من عرفتك

 

مــن عــرفتــك وآنـــا ما عندي سوالف إلا إنتي

من عرفتك وانتي في قلـبي وفي روحي سكنتي

. . . .

انتي انتي تذبــلــين الــورد كلــه لا حــزنــتي

وانــتي اللي كــــل شي فيني فتنتيه وسرقتي

. . . .

تسرقيـــني: ويـــن مـــا جيتي وروحتي وكنتي

تفتنيـــني: لــو نسيتيــني وجرحتيني وطعنتي

. . . .

مـــا أخــونــك لــو تركـتيني وبعتيني وخنتي

وعد اصونك لو تكـــبرتي وبــالحب استهنتي

. . . .

يـا حلاتك كنك بقلبي ارتميــتي وانــدفنــتي

ويا غلاتك كل شي غالي رخصته لجلك انتي

 

عبدالرحمن بن خلفان بن علي القاسمي

Web Analytics